Беларусь плануе ўвайсці ў топ-50 краін па ўзроўні ВУП на душу насельніцтва да 2040 годзе

Беларусь плануе ўвайсці ў топ-50 краін па ўзроўні ВУП на душу насельніцтва да 2040 года (па парытэце пакупніцкай здольнасці). Пра гэта заявілі напярэдадні ва ўрадзе падчас абмеркавання Стратэгіі ўстойлівага развіцця на 15 гадоў наперад.

Гэта ключавы дакумент, наша бачанне аблічча будучыні краіны на перспектыву, а менавіта на 2040 год. Гэта стратэгія будзе істотна адрознівацца ад мінулых. Яна будзе ўтрымліваць больш як 90 індыкатараў, чаго ніколі не было. І мэты максімальна амбіцыйныя, таму што свет дынамічна развіваецца.

Галоўнае ў Стратэгіі - гэта чалавек, эканоміка і экалогія. Эфектыўнае ўзаемадзеянне гэтых трох складальнікаў і павінна даваць вынік, які ўжо прапісаны ў асобных праграмах з лічбамі і працэнтамі. Ключавая з іх - сацыяльна-эканамічнага развіцця на наступную пяцігодку.