Беларусь развівае ўзаемадзеянне з Бураціяй

Кантакты Беларусі з расійскімі рэгіёнамі актыўна развіваюцца. Гандлёва-эканамічнае, навукова-тэхнічнае і культурнае ўзаемадзеянне абмяркуюць у панядзелак, 23 верасня, на сустрэчы з рабочай групай з Бураціі.

З гэтым расійскім рэгіёнам у нас даўняе супрацоўніцтва. Беларусь у агульным аб'ёме імпарту краін - партнёраў Бураціі займае другое месца па выніках 2023 года. Асноўную долю імпарту з нашай рэспублікі складаюць электрычныя машыны і абсталяванне, пластмаса і вырабы з яе, мэбля. Бурація ў сваю чаргу пастаўляе ў Беларусь паперу і кардон, вырабы з дрэва, напоі і кандытарскія вырабы. А на палях Форуму рэгіёнаў Беларусі і Расіі быў падпісаны план мерапрыемстваў па развіцці  двухбаковага супрацоўніцтва да 2027 года.