Дэлегацыя ўрада Беларусі прыбыла ў Азербайджан з новымі дзелавымі прапановамі

Развіццё супрацоўніцтва Беларусі і Азербайджана 28 кастрычніка прадметна абмяркоўваюць у Баку. Партнёры сабраліся на пасяджэнне міжурадавай камісіі (15-й па ліку). Нашу дэлегацыю ўзначальвае віцэ-прэм'ер Наталля Пяткевіч.

Паводле яе слоў, дасягнуты ўзровень дыялогу на вышэйшым узроўні накіроўвае ўрады дзвюх краін на інтэнсіўную працу. Беларусы прыехалі ў Баку з канкрэтнымі прапановамі ў сферы сельскай гаспадаркі, нафтахіміі, будаўнічай галіны і прамысловай кааперацыі. Агульных праектаў сёння нямала. Напрыклад, сёлета стартавала сумесная зборка ліфтаў, першыя вынікі ўжо ёсць.

Таксама ў праграме беларускай дэлегацыі і шэраг двухбаковых сустрэч. На парадку дня пытанні па ахове здароўя, адукацыі і супрацоўніцтва ў гуманітарнай сферы.