Галоўчанка адправіўся з афіцыйным візітам ва Уганду. Што гатова прапанаваць Беларусь?

20 лютага стартаваў афіцыйны візіт прэм'ер-міністра Беларусі Рамана Галоўчанкі ва Уганду - краіну ва Усходняй Афрыцы.

Запланаваны перамовы з прэзідэнтам і прэм'ер-міністрам

Усе асноўныя сустрэчы пройдуць у пятніцу, 21 лютага. Абмяркуюць шырокі спектр тэм, што ўяўляюць узаемную цікавасць. Беларусь гатова дзяліцца сваімі тэхналогіямі, таварамі і прапануе партнёрам схемы фінансавай падтрымкі экспарту. Таксама ў Кампале, сталіцы Уганды, пройдзе цырымонія ўрачыстага адкрыцця офіса ганаровага консула Беларусі.

Насельніцтва Уганды - каля 45 млн чалавек. Важная галіна эканомікі - сельская гаспадарка: у краіне вырошчваюць каву, чай, тытунь, бавоўну, гародніну, садавіну, а таксама займаюцца рыбалоўствам. У АПК занята 82 % насельніцтва. Прамысловасць прадстаўлена ў асноўным дробнымі і сярэднімі прадпрыемствамі, якія займаюцца перапрацоўкай сыравіны, вытворчасцю тэкстылю і будаўнічых матэрыялаў.