Галоўчанка ацаніў узровень зарплат, ВУП і інфляцыі ў Беларусі

Беларуская эканоміка захоўвае тэндэнцыю да росту. Аб гэтым гавораць выніковыя лічбы за 2024 год і даныя за студзень 2025-га.

19 лютага вынікі сацыяльна-эканамічнага развіцця краіны за мінулы год падводзяць на пасяджэнні Савета Міністраў. Як заявіў прэм'ер Раман Галоўчанка, у 2024-м удалося вырашыць найважнейшыя задачы, пастаўленыя і кіраўніком дзяржавы, і прадугледжаныя Праграмай сацыяльна-эканамічнага развіцця. Гэта ў першую чаргу датычыцца росту дабрабыту грамадзян. Рэальныя даходы амаль 10 %. На такі ж рост летась выйшлі і пенсіі. У снежні сярэдняя зарплата дасягнула 2 700 рублёў. Як і ў папярэднія гады, матэрыяльна падтрымалі бюджэтнікаў і нізкааплатныя катэгорыі работнікаў.

"Прымаліся кропкавыя рашэнні па дадатковых выплатах настаўнікам, урачам, таксама работнікам сацыяльнай сферы. На гэтыя мэты летась накіравана больш за 1,7 млрд руб.", - адзначыў прэм'ер-міністр. Таксама ён дадаў, што захавана макраэканамічная стабільнасць. Золатавалютныя рэзервы Беларусі за год павялічыліся амаль на 800 млн долараў і на 1 студзеня склалі амаль 9 млрд долараў.

На старце 2025 года ВУП вырас на 3,7 %. У студзені добрыя тэмпы ў будаўніцтве, у сельскай гаспадарцы, у інфармацыі і сувязі. Істотна дадаў рознічны тавараабарот пры захаванні ўмеранага ўзроўню інфляцыі. Прамысловая вытворчасць вырасла амаль на 3 %. Старт нядрэнны, але трэба дадаваць да мэтавай задачы на першы квартал, падкрэсліў Раман Галоўчанка.

Фота БЕЛТА