Гістарычны максімум - золатавалютныя рэзервы Беларусі перавысілі 10 млрд долараў

Золатавалютныя рэзервы Беларусі на 1 красавіка перавысілі 10 млрд долараў і дасягнулі гістарычнага максімуму.

За сакавік сума вырасла на 7 %. Рэзервы ў замежнай валюце павялічыліся на 5 %, значна ўзрасла тая частка, якую складае манетарнае золата - плюс амаль 10 %.

Адметна, што ЗВР яшчэ ні разу не дасягалі 10 млрд долараў з пачатку 2003 года. Пачынаючы з 2020 года, гэтая сума вагалася ў межах 7-9 млрд.

З пачатку гэтага года міжнародныя рэзервовыя актывы краіны толькі растуць. Калі на 1 студзеня яны складалі амаль 8,9 млрд, 1 лютага ўжо звыш 9 млрд, на 1 сакавіка - 9,4 млрд.

Між тым па выніках года, як плануюць Нацбанк і Саўмін, рэзервы павінны скласці не менш чым  7,1 млрд у доларавым эквіваленце.

Асноўным фактарам росту стала падаражанне золата (яго цана вырасла за 2024 год на чвэрць).