Новы МТК на 2 300 галоў адкрылі Лунінецкім раёне

Новыя рабочыя месцы, сучасныя ўмовы для жывёлы, рост вытворчасці: у гаспадарцы "Вулькаўскі світанак" Лунінецкага раёна адкрылі новы малочна-таварны комплекс поўнага цыкла на 2 300 галоў.

Узвялі яго з дзяржпадтрымкай на тэрыторыі далучанага 4 гады назад стратнага сельгаспрадпрыемства. На праектную магутнасць аб'ект павінен выйсці да канца 2025 года. Тут плануюць атрымліваць па 22 т малака за дзень. Для абслугоўвання комплексу створаны дадатковыя рабочыя месцы.

Уладзімір Соц, дырэктар ААТ "Вулькаўскі світанак":

"Калі ў 2022 годзе гэта ферма вырабляла 2 130 т малака, то ў 2024-м - ужо вырабяць 4 500 т. Гэта эканоміка. Гэта грошы. Тым больш прадавалі 12 % малака гатунку экстра. А на сёння гэта ферма вырабляе малака гатунку экстра 99,1 %".

"Сёлета мы завяршаем працу па ўводзе 10 МТФ у нас у вобласці. Ужо пачалі працу па новым указе: кіраўнік краіны падпісаў на найбліжэйшыя 2 гады. Найважнейшая работа па змяненні і ўдасканаленні МТБ - па будаўніцтве і рэканструкцыі жывёлагадоўчых памяшканняў, змяненняў не толькі ўмоў для жывёлы, але і ўмоў працы нашых людзей", - распавёў Дзмітрый Гарадзецкі, першы намеснік старшыні Брэсцкага аблвыканкама.

Дарэчы, Брэсцкая вобласць набліжаецца да гадавога аб'ёму малака ў 2 млн 300 тыс. т. А гэта 28 % ад яго вытворчасці ў краіне.