Новыя праекты ў АПК: асаблівая ўвага ўтрыманню жывёлін і атрыманню малака экстра-класа

Сярод важных пытанняў і харчовая бяспека. Развіццё мяса-малочнай жывёлагадоўлі, захаванасць пагалоўя (асабліва ў зімовы перыяд) - у цэнтры ўвагі ўлад усіх рэгіёнаў.

У Мінскай вобласці прадоўжаць будаўніцтва сучасных і тэхналагічных малочна-таварных комплексаў. У планах на гэты год (толькі ў Мінскім рэгіёне) каля 30 такіх ферм.

Асаблівая ўвага ўтрыманню жывёлін і атрыманню малака экстра-класа. Гэта заявілі на семінары па жывёлагадоўлі і ў цэлым АПК з удзелам губернатара Мінскай вобласці.

Увагу надалі генетыцы, захаванасці маладняка і якасці кармоў. Распавялі, якія меры прымаюць для падтрымкі цялят у зімовы перыяд.

Абмеркавалі і ход падрыхтоўкі аграрыяў вобласці да вяснова-палявых работ. Зараз фарміруюцца запасы насення, угнаенняў, паліва. У дапамогу і больш за 100 адзінак новай сельгастэхнікі.