Уборачная стартавала ў Беларусі. Першым масавае жніво пачаў Камянецкі раён Брэсцкай вобласці

У Беларусі стартавала ўборка збожжавых. Першым у краіне масавае жніво пачаў Камянецкі раён Брэсцкай вобласці. Збожжавы клін тут складае 34 тыс. га.

На чарзе азімы ячмень. Культура, якая дазваляе выпрабаваць тэхніку і запусціць упершыню ў сезоне збожжасушыльныя комплексы.

Сёлета ў краіне ўсе збожжавыя культуры і рапс трэба будзе прыбраць з плошчы больш чым 2,5 млн га. У жніве, паводле звестак Мінсельгасхарча, будуць удзельнічаць 7 тыс. камбайнаў.