Як штучны інтэлект будзе дапамагаць у вытворчасці слуцкіх паясоў

Новая вытворчасць слуцкіх паясоў адкрылася 6 лiстапада. Гэта перспектыўны праект не толькі для развіцця лёгкай прамысловасці, але і для захавання народных промыслаў.

У эрганамічным корпусе размясціліся 3 цэхі. Адзін з найважнейшых набыткаў - снавальная машына са штучным інтэлектам. Абсталяванне самастойна карэкціруе няправільныя параметры і выпраўляе памылкі.

Агульная плошча новага адміністрацыйна-вытворчага корпуса больш за 3 тыс. квадратаў. Ва ўсіх цэхах спецыяльны рэжым тэмпературы і вільготнасці. Такія ўмовы патрэбны як для саміх вырабаў, так і для карэктнай працы аўтаномнага абсталявання.