Якіх поспехаў дабілася Беларусь у пытанні харчовай бяспекі

Беларусь цалкам забяспечвае сябе асноўнымі відамі сельгаспрадукцыі. Малака вырабляем за год - 908 кг на душу насельніцтва! Добрыя паказчыкі таксама па збожжы, бульбе і гародніне. А інвестыцый у сельскую гаспадарку - больш чым 16 %.

Наша краіна сістэмна нарошчвае патэнцыял уласнага аграпрамысловага комплексу, імкнецца забяспечыць тэхналагічны суверэнітэт і развівае новыя галіны.

Гэта прыносіць свой плён: за мяжой запатрабаваныя не толькі нашы якасныя харчовыя тавары, але і комплексныя вытворчыя рашэнні для жывёлагадоўлі, сельгастэхніка, тэхналогіі перапрацоўкі сыравіны, інфраструктурныя рашэнні для сельскай мясцовасці: наша ноу-хау - аграгарадкі. Новыя магчымасці адкрывае кааперацыя ў навуковай і вытворчай сферах.

Сельская гаспадарка сёння фарміруе больш за 7 % валавога ўнутранага прадукта краіны і амаль 7 % рабочых месцаў для айчыннай эканомікі.

Беларусь традыцыйна ўваходзіць у топ экспарцёраў малочных прадуктаў, мяса і мясапрадуктаў.

Наша харчаванне штогод пастаўляецца ў больш чым 100 краін.