Эксперт: Мы павінны разглядаць разнастайнасць або плюралізм як шлях да свабоды чалавецтва

На Мінскай міжнароднай канферэнцыі па еўразійскай бяспецы ідзе сустрэча ў фармаце мазгавога штурму. Абмяркоўваюць эксперты стварэнне Еўразійскай хартыі разнастайнасці і мнагапалярнасці. Беларусь, дарэчы, неаднаразова выступала з такой ініцыятывай.

Праца Мінскай канферэнцыі па еўразійскай бяспецы падыходзіць да канца. Сёння ў цэнтры абмеркавання ўдзельнікаў форуму беларуская ініцыятыва аб распрацоўцы "Еўразійскай хартыі, разнастайнасці і мнагапалярнасці ў 21 стагоддзі". Яе галоўная мэта - агульнае разуменне контураў еўразійскай бяспекі, заснаванай на прынцыпах справядлівасці, раўнапраўя і непадзельнасці бяспекі. Фінальная секцыя як раз займаецца фармулёўкай асноўных структурных элементаў дакумента.