III з'езд партыі "Белая Русь" адбудзецца 28 чэрвеня

III з'езд партыі "Белая Русь" адбудзецца 28 чэрвеня. Такое рашэнне прынята 30 мая на пасяджэнні прэзідыума Вышэйшага палітычнага савета дадзенай арганізацыі. Папярэдне плануецца, што ён пройдзе на базе Нацыянальнай бібліятэкі ў Мінску. Да гэтага адбудуцца справаздачна-выбарныя канферэнцыі ў раёнах і абласных цэнтрах нашай краіны. Як чакаецца, у з'ездзе будуць удзельнічаць каля 300 чалавек: 280 членаў партыі і яшчэ каля 20 запрошаных гасцей.

Андрэй Басак, намеснік старшыні беларускай партыі "Белая Русь":

У сакавіку 2023 года адбыўся ўстаноўчы з'езд, была створана беларуская партыя "Белая Русь". За гэты кароткі тэрмін партыя прайшла пэўныя этапы свайго будаўніцтва і сапраўды адбылася. У яе з'явіўся свой твар. Арганізацыйныя структуры партыі створаны ва ўсіх абласных, раённых цэнтрах нашай краіны. За гэты кароткі прамежак часу партыя вырасла больш як у 4 разы.

Нагадаем, сёння ўдзельнікамі партыі "Белая Русь" з'яўляюцца больш за 67 тыс. чалавек. Правядзенне з'езда дазволіць вызначыць яе далейшае развіццё.