96 бібліятэк Беларусі ўзялі ўдзел у маштабнай акцыі "Бібліяноч"

У Беларусі прайшла "Бібліяноч". Бібліятэкі пашырылі фармат сваёй працы і прапанавалі незвычайныя культурныя праграмы.

81 горад, 96 бібліятэк і мноства тэматычных пляцовак. У краіне прайшла самая маштабная культурна-асветніцкая акцыя для знатакоў друкаванага слова. У падтрымку чытання "Бібліяноч" сабрала ўсе рэгіёны краіны.

Для жыхароў сталіцы сваю праграму падрыхтавала і Нацыянальная бібліятэка Беларусі. Нягледзячы на тое што на вуліцы ўжо даўно сцямнела, дзверы цэнтральнай бібліятэкі краіны былі адчыненыя.

Кніжная акцыя вылучаецца разнастайнасцю тэм: медыцына, навука, здароўе, космас. Усяго ў бібліятэцы працуюць больш за 20 тэматычных пляцовак. Асаблівая ўвага кнігалюбаў прыкавана да тэматыкі 80-годдзя Вялікай Перамогі. Сёлета Нацыянальная бібліятэка выступіла з тэмай "Перамога. Памяць. Мір". Адчуць гераічную атмасферу ваенных гадоў можна літаральна праз старонкі друкаваных сведак.

Старт штогадоваму праекту далі адразу 96 бібліятэк па ўсёй краіне, 7 з якіх знаходзяцца ў Мінску. Усе вобласці Беларусі адзіныя не толькі тэрытарыяльна, але і духоўна. Такі бібліятэчны марафон пацвярджае, што друкаванае слова сёння жыве ў сэрцы кожнага беларуса.