"Беларусь 24" удзельнічае ў Міжнародным тэлекінафоруме "Новая рэальнасць"

Дэлегацыя тэлеканала "Беларусь 24" бярэ ўдзел у Міжнародным тэлекінафоруме "Новая рэальнасць". Праграмай маштабнай медыясустрэчы запланавана правядзенне майстар-класаў, конкурсных праглядаў, дыялогавых пляцовак.

Аўтарскі праект "Беларусы" тэлеканала "Беларусь 24" упісаны ў шорт-ліст творчага конкурсу дакументальных фільмаў і тэлеперадач у спецыяльнай намінацыі "Погляд з блізкага замежжа".

У розныя гады на форум прыязджалі журналісты з Рэспублікі Сербія, Чарнагорыі, Турцыі, Узбекістана і Кыргызстана. Сёлета на мерапрыемства сабраліся больш за 80 журналістаў. Гэта прадстаўнікі з 36 рэгіёнаў Расійскай Федэрацыі. Беларусы ў маштабным медыяфоруме бяруць удзел упершыню.