Белдзяржцырк пачынае гастрольны тур па Беларусі

Белдзяржцырк адпраўляецца ў гастрольны тур па гарадах Беларусі з праграмай "Брава, Цырк!". Ужо зараз у артыстаў ідуць апошнія тэхнічныя рэпетыцыі.

Гэта захапляльнае шоу, якое пераносіць гледачоў у дзіўны свет цыркавога мастацтва, зачаравальнай прыгажосці і неверагодных прафесійных трукаў. У творчай праграме таксама ёсць дрэсіраваныя сабакі, малпачкі-музыканты, паветраныя гімнасты і акрабаты.

Ужо 24 мая святочная праграма пачнецца ў Гродне, далей на шляху Брэст, Пінск, Баранавічы. Завяршальным пунктам стане горад Ліда.