Чым будзе здзіўляць Мінская міжнародная кніжная выстава-кірмаш

12 сакавіка ў беларускай сталіцы адкрыецца XXXII Мінская міжнародная кніжная выстава-кірмаш. Мерапрыемства дасць магчымасць азнаёміцца з літаратурай двух дзясяткаў краін.

У першы дзень наведвальнікі змогуць атрымаць асалоду ад паэзіі казахскіх аўтараў. Пройдзе літаратурная сустрэча "Казахстан - Беларусь: Мерыдыяны сяброўства". 13 сакавіка госцем форуму стане Кыргызстан, за ім Расія. Беларусь ярка прэзентуе знакавыя выдавецкія праекты 15 сакавіка. Таксама на гэты дзень запланавана цырымонія ўзнагароджання пераможцаў конкурсу "Мастацтва кнігі".

14 сакавіка ў Беларусь на легендарным "Кніжным цягніку" прыбудуць больш за 50 расійскіх пісьменнікаў. Дзмітрый Емец, Ася Лаўрыновіч, Каця Мацюшкіна, Валянцін Поснікаў - гэта толькі малая частка зорнага саставу, якая прэзентуе свае новыя кнігі, правядзе дыялогавыя пляцоўкі і падзеліцца творчым вопытам.