Чым здзівіць выстава да 80-годдзя Перамогі ў Міжнародным выставачным цэнтры

На маштабнай выставе да 80-годдзя Вялікай Перамогі, якая праходзіць на пляцоўцы Міжнароднага выставачнага цэнтра, паказаны сучасныя ўзоры ваеннай тэхнікі, якія стаяць на ўзбраенні беларускай арміі.

Намеснік галоўнага захавальніка фондаў Беларускага дзяржаўнага музея гісторыі Вялікай Айчыннай вайны Святлана Прыбыш расказала, ці атрымалася стварыць на выязной выставачнай пляцоўцы асаблівую атмасферу, бо на ёй прадстаўлены рэдкія экспанаты і артэфакты менавіта музея гісторыі Вялікай Айчыннай вайны.

Святлана Прибыш:

"Падкрэслю, што над выставай працаваў не толькі музей гісторыі Вялікай Айчынай вайны, але і 24 іншых музеі. Мы ставілі перад сабою мэту - пагрузіць наведвальнікаў у становішча вайны, асноўных падзей Вялікай Айчыннай. Распавесці пра страшны час акупацыі, пра барацьбу партызан, падпольшчыкаў, пра ключавыя бітвы (Сталінградскай, Курскай, вызваленне Беларусі), пра тое, як была канчаткова здабыта перамога над ворагам".

Намеснік таксама адзначыла, што трэба яшчэ было і распавесці аб захаванні памяці аб вайне. "Акрамя таго, што на выставе прадстаўлены сапраўдныя музейныя прадметы, яны яшчэ ўдала ўпісаны ў незвычайнае архітэктурна-мастацкае рашэнне. У кожнага раздзела яно сваё. І ў дадатак да ўсяго гэтаму ў экспазіцыі скарыстаны самыя разнастайныя мультымедыйныя сродкі", - падзялілася інфармацыяй Святлана Прыбыш.