Крутой і Мядзінскі абмеркавалі праекты Беларусі і Расіі па захаванні гістарычнай памяці

Сумесныя мерапрыемствы Беларусі і Расіі па святкаванні 80-годдзя Перамогі абмеркавалі сёння ў Адміністрацыі Прэзідэнта. Дзмітрый Крутой правёў рабочую сустрэчу з Уладзімірам Мядзінскім, памочнікам Прэзідэнта Расіі і старшынёй Міжведамаснай камісіі па гістарычнай асвеце. Госць прыйшоў не з пустымі рукамі, а з міні-версіей помніка "Развітанне славянкі".

Сімвалічна - арыгінал можна ўбачыць на Беларускім вакзале ў Маскве. Мелодыя "Развітанне славянкі" была напісана і стала знакамітай у гады Першай сусветнай, але пад яе потым на фронт ішлі і ў Другую сусветную. На сустрэчы абмеркавалі перспектыву ваенна-гістарычнага турызму ў Саюзнай дзяржаве і праекты па захаванні гістарычнай памяці.

Дзмітрый Мядзінскі падзяліўся, што сёння паспеў пабываць яшчэ на XXXII Мінскай міжнароднай кніжнай выставе, прыемна здзіўлены вялікай колькасцю прыхільнікаў кніг у Беларусі, таксама прысутнічаў на асвячэнні мемарыяльнага крыжа ў гонар салдат Рускай імператарскай арміі, якія загінулі падчас Першай сусветнай вайны. Ён устаноўлены Расійскім ваенна-гістарычным таварыствам на Ваенных могілках у цэнтры Мінска.