Навінкі, папулярныя кнігі, продаж са скідкай. Кніжны форум стартуе ў Мінску 12 сакавіка

Навінкі выдавецтва "Беларусь" прэзентуюць на міжнародным кніжным кірмашы - выставе ў Мінску. Гэта кнігі, якія выйшлі ў супрацоўніцтве з Генеральнай пракуратурай і прысвечаны тэме генацыду беларускага народа падчас вайны.

Мінская міжнародная выстава - гэта маштабная падзея для аматараў добрай літаратуры. Стартуе кніжны форум 12 сакавіка. Кожны дзень выставы будзе прысвечаны дзяржаве - удзельніцы ЕАЭС і галоўнай тэме - 80-годдзю Вялікай Перамогі.

Аляксандр Карлюкевіч, старшыня Саюза пісьменнікаў Беларусі:

"Міністэрства інфармацыі Рэспублікі Беларусь, Саюз пісьменнікаў Беларусі прымаюць такога госця калектыўнага, якім з’яўляецца каманда, якая прыедзе ў фармаце кніжнага цягніка. Гэта падзея адбудзецца 14 сакавіка. У гэты дзень пісьменнікі, якія прыбудуць, сустрэнуцца са студэнцкай аўдыторыяй, пабываюць у бібліятэках горада Мінска, правядуць круглыя сталы і аўтографсесіі".

На выставе таксама будзе дзейнічаць зона "Адукацыйны квартал", дзе прадэманструюць навучальныя дапаможнікі, манаграфіі, даведкавыя, навукова-папулярныя выданні і навуковыя часопісы.