Стартаваў 15-ы сезон фестывалю "Вечары Вялікага тэатра ў замку Радзівілаў"

На мове танца 20 чэрвеня загаварылі ў Нясвіжы . 15-ы сезон фестывалю "Вечары Вялікага тэатра ў замку Радзівілаў" адкрыў закуліссе для ўсіх ахвотнікаў.

Сёлета тэатр прывёз прэм'еры: опера Чайкоўскага "Яўген Анегін" і дуэт аднаактовых балетаў "Скокі". У тэатральным замку Нясвіжа ўжо прагучаў струнны квартэт Вялікага тэатра з праграмай "Натхненне сэрца". Таксама ўпершыню на гэтай сцэне на біс праспявалі оперу "Моцарт і Сальеры". Права адкрыць юбілейны фестываль атрымалі дзве гісторыі на пуантах: "Жар-птушка" і "Шэхеразада".

Сцены замка Радзівілаў сёлета аб'яднаюць гасцей з 19 краін. Усяго ў рамках фестывалю пройдзе 13 мерапрыемстваў.