У Маладзечне вызначаюць пераможца Нацконкурсу маладых выканаўцаў беларускай эстраднай песні

У Маладзечне сёння фінальны акорд Нацыянальнага фестывалю беларускай песні і паэзіі. Стартаваў трэці тур Нацыянальнага конкурсу маладых выканаўцаў беларускай эстраднай песні. У заключным этапе на сцэну выйдуць 20 удзельнікаў. Яны ўжо прайшлі строгі адбор, бо ўжо былі два туры. А па выніках фіналу будзе названа імя ўладальніка Гран-пры. Нагадаем, што ў абласных адборачных турах прынялі ўдзел 145 чалавек. Самымі актыўнымі канкурсантамі сталі жыхары Гродзенскай і Мінскай абласцей.

Імя трыумфатара Нацыянальнага конкурсу маладых выканаўцаў прагучыць у 21:00 на гала-канцэрце, які будзе прысвечаны творчасці Уладзіміра Мулявіна і легендарнага калектыву "Песняры".