Лукашэнка: На Волзе стаялі насмерць

Памяць аб Вялікай Перамозе - гэта частка нацыянальнай ідэі. Пра гэта заявіў Прэзідэнт Беларусі, выступаючы перад удзельнікамі міжнароднага патрыятычнага форуму Саюзнай дзяржавы "Вялікая спадчына - агульная будучыня", які праходзіць гэтымі днямі ў Валгаградзе. Прадстаўнікі 20 краін да 80-годдзя Вялікай Перамогі сабраліся для таго, каб ушанаваць памяць загінуўшых воінаў і пагаварыць пра захаванне гістарычнай праўды. Сёння з улікам сусветнай геапалітыкі подзвіг савецкага народа спрабуюць назваць акупацыяй, забываючы пра тое, што ў Берлін Чырвоная армія прыйшла пасля чатырохгадовых жорсткіх баёў, супраціўлення генацыду, які пачала цывілізаваная фашысцкая Германія. Валгаград (ён жа Сталінград) па праве лічаць радзімай Перамогі. Менавіта тут за 200 дзён, як гавораць гісторыкі, быў зламаны хрыбет трэцяга рэйха. Аляксандр Лукашэнка і Уладзімір Пуцін усклалі кветкі да магіл загінуўшых салдат. Гэта частка цырыманіялу нагадвае аб цане Вялікай Перамогі (падрабязнасці ў відэа).