Лёгкаатлетычны прабег "Марш Перамогі" завяршыўся ў цэнтры Мінска

У год 80-годдзя Вялікай Перамогі мы не перастаём гаварыць і ўспамінаць усіх тых, хто аддаў свае жыцці дзеля таго, каб мы сёння жылі свабодна і пад мірным небам. Беларусь - памятае. І лёгкаатлетычны прабег "Марш Перамогі", які ў гэтыя дні праходзіць па тэрыторыі нашай краіны, закліканы яшчэ раз ушанаваць герояў, якія загінулі, вызваляючы нашу краіну ад нямецка-фашысцкіх захопнікаў! 19 ліпеня ўдзельнікі забегу пераадолелі дыстанцыю 29 км ад Кургана Славы і фінішавалі ў цэнтры Мінска на плошчы Перамогі. Удзельнікі ўсклалі кветкі да абеліска Перамогі. А ўжо 20 ліпеня абсалютна кожны жадаючы зможа прыняць удзел у чарговым этапе гэтай акцыі. Сімвалічны забег пройдзе ў парку Перамогі.

Пачаўся ж "Марш Перамогі" ў Маскве. У цэлым шлях складзе больш за 1,3 тыс. км. Гэта не проста адлегласць - гэта наша гісторыя. Наперадзе ва ўдзельнікаў акцый вялікі прабег па Брэсцкай вобласці. А фінальны пункт - манумент "Смага" ў Брэсцкай крэпасці. Менавіта да гэтага помніка на працягу ўсяго шляху лёгкаатлеты нясуць сімвалічныя пляшкі з вадой. Адну - перададзеную прадстаўнікамі Расіі. Другую - ужо ад беларускага народа.