Мінск і Казань выходзяць на новы ўзровень эканамічнага супрацоўніцтва

Мінск і Казань выходзяць на новы ўзровень эканамічнага супрацоўніцтва. 4 снежня да нас прыбыла дэлегацыя са сталіцы Татарстана. Мэта - не толькі пашырыць гандлёвыя сувязі, але і стварыць сумесныя вытворчасці. Асноўны напрамак - машынабудаванне. У рамках візіту дэлегацыя наведала Мінскі аўтазавод, які ўжо адправіў у Казань 10 сучасных тралейбусаў. Госці з Расіі пабывалі і ў Нацыянальным дзіцячым тэхнапарку, азнаёміліся з магчымасцямі адукацыйнай і навуковай пляцоўкі для развіцця і падтрымкі таленавітых школьнікаў.

У чацвер, 5 снежня, дэлегацыя наведае Нацыянальную бібліятэку і Першы нацыянальны гандлёвы дом. Завершыцца плённы візіт падпісаннем пагаднення аб пабрацімстве. Казань стане 37 горадам - пабрацімам Мінска.