Нацыянальны фестываль беларускай песні і паэзіі стартуе ў Маладзечне

Захоўваць і папулярызаваць культурную спадчыну Беларусі. Аб выніках, планах і перспектывах гаварылі ў прэс-цэнтры Дома прэсы. У арт-фокусе XXIV Нацыянальны фестываль беларускай песні і паэзіі "Маладзечна-2025".

Музычныя сустрэчы пачнуцца 10 чэрвеня з фестывалю духавой музыкі "Майскі вальс". Традыцыйныя гранд-шоу запланаваны на 13 і 14 чэрвеня. На цырымоніі адкрыцця ўспомняць вядомага беларускага кампазітара Алега Елісеенкава, чый творчы шлях быў непарыўна звязаны з Маладзечнам. Закрыццё фестывалю пройдзе ў суправаджэнні Нацыянальнага акадэмічнага народнага аркестра Беларусі імя Жыновіча і стане прысвячэннем Уладзіміру Мулявіну. Адна з галоўных падзей культурнага форуму - Нацыянальны конкурс маладых выканаўцаў беларускай эстраднай песні.

Падчас фестывалю беларускай песні і паэзіі пройдзе больш за 70 мерапрыемстваў, у тым ліку кірмашы дэкаратыўна-прыкладнага мастацтва і выставы беларускіх выдавецтваў, дзе можна будзе набыць айчынныя бестселеры.