Арэнднае жыллё, тэхналогіі і турызм - галоўныя арыенціры эканомікі Беларусі на найбліжэйшыя 5 гадоў

Рост ВУП на 16 % - такі мэтавы арыенцір для беларускай эканомікі на найбліжэйшыя 5 гадоў.

Сёння ва ўрадзе разгледзелі ключавыя праграмныя дакументы, у тым ліку Канцэпцыю Праграмы сацыяльна-эканамічнага развіцця на 2026-2030 гг. Як адзначыў прэм'ер-міністр, усе дакументы распрацаваны з апорай на перадвыбарную праграму Прэзідэнта, яго інаўгурацыйную прамову, а таксама даручэнні, дадзеныя пры прызначэнні новага складу ўрада. У канцэпцыі дакладныя мэтавыя паказчыкі, якіх трэба будзе дасягнуць у найбліжэйшае пяцігоддзе.

Сярод прыярытэтаў будучага развіцця будаўніцтва арэнднага жылля (яго плануюць нарасціць у некалькі разоў), узмацненне пазіцый рэгіёнаў (у прыватнасці, за кошт развіцця сацыяльнай інфраструктуры і рэалізацыі інвестпраектаў). Таксама стаўку зробяць на ўкараненне тэхналогій і лічбавізацыю эканомікі. Гэта ўзмацніць канкурэнтаздольнасць рэальнага сектара. Патэнцыял урад бачыць і ў развіцці турызму.