Беларусь і Аман ратыфікавалі пагадненне аб узаемнай адмене віз

21 студзеня беларускія сенатары ратыфікавалі пагадненне паміж урадамі Беларусі і Амана аб узаемнай адмене віз.

Так, ад неабходнасці атрымання віз для ўезду, выезду і транзіту вызваляюцца беларусы і грамадзяне Амана на падставе сапраўдных нацыянальных пашпартоў. Пры гэтым адна паездка не павінна перавышаць 30 дзён, а агульны тэрмін знаходжання на працягу года - 90 дзён.

Гэта дапаможа ўмацаваць эканамічныя, культурныя і дзелавыя сувязі, створыць больш спрыяльныя ўмовы для бізнесу, а таксама дазволіць краінам павысіць прывабнасць для турыстаў.