Качанава: Сёння мы назіраем небяспечныя тэндэнцыі: скажаюць гісторыю Другой сусветнай вайны

Сёння мы назіраем небяспечныя тэндэнцыі: скажаюць гісторыю і ацэнкі вынікаў Другой сусветнай вайны. Пра гэта з трыбуны Міжпарламенцкай Асамблеі СНД заявіла старшыня Савета Рэспублікі Нацыянальнага сходу Беларусі Наталля Качанава.

Асобныя сілы спрабуюць ураўнаваць у правах ахвяр і катаў, вызваліцеляў і агрэсараў, ставяць пад сумненне рашэнні Міжнароднага ваеннага трыбунала. І гэтаму павінны паставіць заслон парламентарыі.

"Сучаснае пакаленне еўрапейцаў ужо не ведае, што нараджэннем яны абавязаны не толькі продкам, але і нашым воінам, якія заплацілі сваім жыццём за мір і іх светлую будучыню. Будучыню, якая так і не наступіла для больш як 3 мільёнаў беларусаў, загінуўшых у бітвах, жорстка забітых і закатаваных да смерці нямецкімі акупантамі", - адзначыла Наталля Качанава.

На парламентарыяў ускладзена асаблівая місія - умацоўваць сувязі і ўзаемаадносіны, а не ўзводзіць агароджы па прыкладзе нашых заходніх суседзяў. Той факт, што ў 2024 годзе на святочным парадзе ў гонар Дня Незалежнасці Беларусі ўпершыню прымалі ўдзел ваенныя разлікі з краін Садружнасці і Кітая, гаворыць пра гатоўнасць сумесна абараняць агульную тэрыторыю і паветраную прастору, падкрэсліла спікер.