Лю Гачжун: Беларуска-кітайскія адносіны па праве лічацца ўзорам міждзяржаўных адносін

Нацыянальная бяспека - гэта моцная эканоміка, а значыць і моцныя адносіны з саюзнікамі і партнёрамі. Беларусь і Кітай - прыклад узорнага партнёрства, які краіны дэманструюць нават у няпростым міжнародным становішчы.

Такое супрацоўніцтва заснавана на прынцыпах павагі нацыянальных інтарэсаў, даверу і сяброўства. Гэта заявіў наш першы намеснік прэм'ер-міністра на перамовах з намеснікам прэм'ера Дзяржсавета КНР. Адносіны краін развіваюцца па ўзыходнай. Беларусь і Кітай аказваюць адно аднаму міжнародную падтрымку. Гэта дапамагае прасоўваць эканамічныя праекты, дасягаць высокіх паказчыкаў у гандлі (апошнія гады яны рэкордныя для Мінска і Пекіна). Такі ўзаемны інтарэс адпавядае ўзроўню ўсепагоднага і ўсебаковага стратэгічнага партнёрства.

Як запэўніў Лю Гачжун, Кітай і надалей застанецца шчырым сябрам, надзейным партнёрам Беларусі. Паднябесная разлічвае на паглыбленне шматпланавага супрацоўніцтва паміж дзвюма краінамі. Для Беларусі - гэта адзін з ключавых знешнепалітычных прыярытэтаў. КНР з'яўляецца асноўным стратэгічным партнёрам у Азіяцкім рэгіёне. Па выніках 2024 года Кітай замкнуў тройку краін, якія напрамую інвестуюць у беларускую эканоміку.