Новага Надзвычайнага і Паўнамоцнага Пасла Беларусі ў Расіі прадставілі ў Маскве

У Пасольстве Беларусі ў Маскве адбылося афіцыйнае знаёмства з новым кіраўніком беларускай дыпмісіі ў Расіі.

Юрый Селіверстаў быў прызначаны на гэту пасаду Прэзідэнтам Беларусі 22 студзеня. Асноўныя задачы, якія кіраўнік дзяржавы паставіў перад паслом, - супрацоўнічаць з расійскімі рэгіёнамі і трымаць на кантролі асноўныя кірункі нашай дзейнасці ў Расійскай Федэрацыі, першым чынам у гандлі.

Юрый Селіверстаў таксама па сумяшчальніцтве будзе з'яўляцца прадстаўніком Беларусі ў інтэграцыйных структурах і надзяляецца паўнамоцтвамі намесніка прэм'ер-міністра.