Новы этап электаральнай гонкі - 7 лістапада ў Беларусі пачаўся збор подпісаў ад грамадзян

У Беларусі 7 лістапада пачаўся важны этап перадвыбарнай кампаніі - збор подпісаў ад грамадзян у падтрымку вылучэння патэнцыяльных кандыдатаў у Прэзідэнты.

Пікеты праходзяць па ўсёй краіне. Актыўнасць ёсць, так удзельнікі ініцыятыўных груп у Мінску адзначаюць цікавасць маладых людзей. У падпісным лісце павінны быць подпісы выбаршчыкаў, якія пражываюць на тэрыторыі раёна, горада, раёна ў горадзе. Выбаршчык павінен уласнаручна паставіць дату подпісу і распісацца. Падпісны ліст завяраецца членам ініцыятыўнай групы.

Нагадаем, Цэнтрвыбаркам зарэгістраваў 7 ініцыятыўных груп. Ім трэба сабраць не меней за 100 тыс. подпісаў. Гэты этап падоўжыцца да 6 снежня. Перадвыбарная агітацыя стартуе з 1 студзеня.