Прадпрыемствы Беларусі падпісалі першыя кантракты на выставе InterFood Azerbaijan

Беларускія прадпрыемствы падпісалі першыя кантракты на выставе InterFood Azerbaijan. Экспа гэтымі днямі праходзіць у Баку. Беларусь у юбілейны год выставы прадстаўлена маштабна - 35 айчыннымі кампаніямі харчовай сферы, сферы машынабудавання і нафтахімічнай галіны.

У дзень адкрыцця выставы беларускую экспазіцыю наведаў прэзідэнт Азербайджана Ільхам Аліеў. Ён азнаёміўся з беларускімі брэндамі і патэнцыялам вытворчых кампаній.

Дарэчы, у Азербайджане добра і даўно ведаюць прадукты з Беларусі (шэсць харчовых магазінаў адчынена толькі ў Баку). Шмат гадоў разам з гэтай краінай выпускаюцца трактары на Гянджынскім аўтамабільным заводзе, а пару тыдняў таму запусцілі і сумесную зборку ліфтаў.