Рыжанкоў расказаў, якія місіі чакаюць у Беларусі напярэдадні прэзідэнцкіх выбараў

Аб адсутнасці адзіных стандартаў у галіне выбарчага заканадаўства з боку БДІПЧ АБСЕ зайшла размова ў інтэрв'ю міністра замежных спраў Беларусі на палях Генасамблеі ААН.

Максім Рыжанкоў адзначыў, што напярэдадні прэзідэнцкіх выбараў наша краіна чакае прыезду місій назірання па лініі СНД, ШАС, іншых арганізацый і цэнтраў, якія займаюцца гэтай праблематыкай, а таксама цэнтральных выбарчых камісій краін з усяго свету. Што датычыцца назіральнікаў АБСЕ, то, паводле слоў міністра, яны загадзя прайшлі "абкатку" ў заходніх краінах.

Сёння на палях Генасамблеі ААН кіраўнік МЗС нашай краіны Максім Рыжанкоў выступіў на міністэрскай сустрэчы Групы сяброў у абарону Статута ААН і Групы сяброў Альянсу цывілізацый. Таксама кіраўнік МЗС Беларусі правёў двухбаковыя перамовы з калегамі з Кубы, Сірыі і Венесуэлы. Наперадзе - выступленне з высокай трыбуны ААН.