Саміт БРІКС пройдзе ў Рыа-дэ-Жанэйра з 6 па 7 ліпеня

Стала вядома дата правядзення наступнага саміту БРІКС - ён адбудзецца ў Рыа-дэ-Жанэйра 6-7 ліпеня. Аб гэтым паведаміла прэс-служба аб'яднання, дзе ў 2025 годзе старшынёй з'яўляецца Бразілія.

Тэмы будучага саміту - умацаванне гандлёва-эканамічных сувязяў, распрацоўка альтэрнатыўных аплатных сістэм і скарачэнне залежнасці ад долара.

Беларусь будзе прадстаўлена на сустрэчы ўжо ў якасці партнёра аб'яднання. Гэты статус наша краіна атрымала 11 лістапада 2024 года. Таксама партнёрамі БРІКС сталі Балівія, Казахстан, Куба, Малайзія, Тайланд, Уганда і Узбекістан.