1 чэрвеня ў Беларусі адзначаецца Міжнародны дзень абароны дзяцей

Міжнародны дзень абароны дзяцей адзначаецца ў Беларусі 1 чэрвеня. У краіне пражываюць больш як 1,7 млн дзяцей ва ўзросце да 18 гадоў. Гэта кожны пяты жыхар. Усяго ў Беларусі жывуць каля 120 тыс. шматдзетных сямей, у якіх выхоўваюцца больш як 390 тыс. дзяцей.

Нацыянальным заканадаўствам прадугледжана сістэма дапамог сем'ям у сувязі з нараджэннем і выхаваннем дзяцей: усяго 11 відаў дапамог.

Падтрымка сямей з дзецьмі - прыярытэт дзяржавы. На выплату сямейных дапамог і дапамог па мацярынстве запланавана 3,7 млрд рублёў.