У Кітаі прайшло пасяджэнне СМЗС ШАС

У кітайскім Цяньцзіне завяршылася пасяджэнне Савета міністраў замежных спраў дзяржаў - членаў ШАС. Беларусь на форуме прадстаўляў кіраўнік МЗС Максім Рыжанкоў.

Адзначым, што наша краіна ўпершыню прыняла ў ім удзел у статусе паўнапраўнага члена Шанхайскай арганізацыі супрацоўніцтва.

Ван І, міністр замежных спраў Кітая:

"Асноўнай задачай цяперашняга пасяджэння з'яўляецца абмен меркаваннямі па развіцці ШАС і актуальных міжнародных і рэгіянальных пытаннях, якія прадстаўляюць агульны інтарэс дзяржаў - членаў ШАС, што таксама з'яўляецца і палітычнай падрыхтоўкай да маючага адбыцца саміту ў Цяньцзіне. 15 ліпеня раніцай старшыня КНР Сі Цзіньпін сустрэўся з усімі ўдзельнікамі, што паказвае яго павышаную ўвагу да ШАС і сённяшняга пасяджэння. Упэўнены, што пры нашых сумесных намаганнях усе задачы будуць выкананыя, і ў духу рэалізацыі важных дамоўленасцяў нашых лідараў мы закладзём трывалую аснову для паспяховага правядзення Цяньцзіньскага саміту".

Кіраўнікі МЗС абмеркавалі рашэнні, якія пазней на саміце, у канцы жніўня - пачатку верасня, разгледзяць ужо лідары дзяржаў. Закранулі геапалітыку: Іран, Блізкі Усход, Афганістан. Пашырэнне НАТА, ваяўнічую рыторыку краін Захаду. Абмяняліся таксама меркаваннямі па ўмацаванні ўзаемадзеяння ў рамках арганізацыі. Падпісаны шэраг рэзалюцый і дакументаў.