У Літве абмяркоўваюць спыненне рэйсаў у Беларусь

У Літве абмяркоўваюць магчымасць спынення рэгулярных аўтобусных рэйсаў у Беларусь. Міністр унутраных спраў прыбалтыйскай рэспублікі заявіў, што такая мера можа стаць часткай агульнага падыходу краін рэгіёна.

Паводле яго слоў, важна ацаніць, як такое рашэнне паўплывае на ініцыятараў абмежавання і сам Еўрапейскі саюз. Пытанне будзе абмяркоўвацца на наступным тыдні ў Бруселі разам з польскімі і латвійскімі прадстаўнікамі.