Прэзідэнт падпісаў Дырэктыву аб удасканаленні працы органаў улады

Эфектыўнасць працы органаў улады, кіраўніцкай дзейнасці, а яшчэ дысцыпліна і сацыяльна адказнае стаўленне кожнага да працы

Прэзідэнт падпісаў Дырэктыву аб удасканаленні працы органаў улады, узмацненні выканальніцкай дысцыпліны. Так, недапушчальна ўмяшанне дзяржорганаў, службовых асоб у кампетэнцыю адно аднаго. Выключаецца фарміраванне і функцыянаванне саветаў, камісій, груп, іншых экспертных і кансультацыйна-дарадчых структур, якія падмяняюць дзяржорганы, акрамя непасрэдна прадугледжаных заканадаўчымі актамі. Забараняецца неабгрунтаванае правядзенне нарад, у тым ліку ў дыстанцыйным фармаце. Дырэктыва ўтрымлівае таксама нормы аб неабходнасці ўпарадкаваць працэс збору інфармацыі і скараціць залішнія запыты ў адрас юрасоб, а таксама гарантаваць інфармацыйную бяспеку.

Дакументам прадугледжваецца ўкараненне лічбавых тэхналогій у дзяржкіраванні, павышэнне эфектыўнасці камандзіровак. Уводзіцца абавязковая ацэнка стану выканальніцкай дысцыпліны, якая будзе ўплываць на кадравыя рашэнні і прадстаўленне да ўзнагарод.