Прэзідэнт прызначыў новага пасла Беларусі ў Туркменістане

Прыкметныя і важныя прызначэнні былі зроблены 2 снежня кіраўніком дзяржавы. Па выніках кадравага панядзелка ў нас новы міністр культуры, пасол Беларусі ў Туркменістане і памочнік Прэзідэнта па Магілёўскай вобласці. Ратацыя закранула і шэраг буйных кампаній. Задачы прагучалі для ўсіх. Сярод іх - больш актыўна працаваць у рэгіёнах, у тым ліку з кадравым рэзервам. Неабходна ўшчыльную заняцца праблемамі нацыянальнага кінематографа, вызначыцца з будучыняй Беларускай нафтавай кампаніі. Нягледзячы на ўсе складанасці, развіваць супрацоўніцтва з Ашхабадам (відэа).