Аляксандр Лукашэнка прагаласаваў на прэзідэнцкіх выбарах

Прэзідэнт Беларусі Аляксандр Лукашэнка прагаласаваў на прэзідэнцкіх выбарах, паведамляе БЕЛТА.

Кіраўнік дзяржавы прыняў удзел у галасаванні на выбарчым участку,  размешчаным у Беларускім дзяржаўным універсітэце фізічнай культуры.

Датэрміновае галасаванне на выбарах Прэзідэнта Беларусі праходзіла з 21 па 25 студзеня. Выбаршчыкі прадэманстравалі дастаткова высокую яўку - датэрмінова прагаласавалі 41,81 % грамадзян, уключаных у спісы выбаршчыкаў.

На тэрыторыі краіны створана 5325 участкаў для галасавання. 26 студзеня, у асноўны дзень выбараў, яны працуюць з 8:00 да 20:00.