Аляксандр Лукашэнка сустрэўся з прадстаўнікамі прыватных прадпрыемстваў

У Беларусі няма недзяржаўных прадпрыемстваў. Прыватнікі і "дзярж" - проста розная форма ўласнасці. Усе працуюць на беларускую дзяржаву.

Аляксандр Лукашэнка агучыў 17 лютага гэты пастулат, які павінен стаць кіраўніцтвам да дзеяння на ўсіх узроўнях улады. Аб тым, як будзе развівацца бізнес-сфера, прававое і эканамічнае асяроддзе для яе, гаварылі сёння ў Палацы Незалежнасці даволі працяглы час.

За адным сталом сабраліся прадстаўнікі дзелавых колаў і службовыя асобы, якія павінны працаваць у партнёрстве. Адны - сапраўды плаціць падаткі і ствараць рабочыя месцы, другія - у гэтым дапамагаць, не займаючыся бюракратыяй. Але і зваротная гульня - супраць дзяржавы - таксама не будзе заставацца беспакаранай. Як гэта адбываецца ва ўсім свеце.

Роўныя ўмовы для працы, роўныя ўмовы падтрымкі, развіццё савета дзелавога супрацоўніцтва - падрабязнасці размовы ў рэпартажы Кацярыны Круталевіч (гл. у відэа).