Лукашэнка асабліва не чакае змяненняў па сітуацыі ў рэгіёне пасля прыходу да ўлады ў ЗША Трампа

Прэзідэнт Беларусі Аляксандр Лукашэнка нічога асабліва не чакае ў плане змяненняў у рэгіёне пасля прыходу да ўлады ў ЗША Дональда Трампа. Аб гэтым ён заявіў журналістам у Мінску, паведамляе БЕЛТА.

"Дональд класны артыст, акцёр. Ён шоўмен, бізнесмен і іншае. Вельмі класны. Ён умее гэта рабіць. У яго характар такі, што ён не саромеецца гэта рабіць, - адзначыў кіраўнік дзяржавы. - Як вопытны палітык, павінен сказаць, што я не зусім разумею і не ведаю, што зменіцца ў нас у нашым рэгіёне пасля прыходу да ўлады Трампа".

Аляксандр Лукашэнка ўпэўнены, што трэба менш звяртаць увагі на розныя заявы ў ЗША, якія ў першую чаргу разлічаны толькі на рэзананс у СМІ. У гэтым плане Прэзідэнт параіў браць прыклад з Кітая, для якога гэта ў парадку дня  25-е пытанне.

Спакойна да гэтых рознага роду заяў ставяцца і ў Турцыі, і ў прыватнасці Прэзідэнт Эрдаган. "Мы па-турэцку да гэтага ставімся, спакойна. Мы не чакаем ад Амерыкі нейкіх падачак, але мы хочам з імі супрацоўнічаць", - сказаў Прэзідэнт.