Лукашэнка напярэдадні Новага года падпісаў указ аб памілаванні 22 чалавек

Прэзідэнт Беларусі Аляксандр Лукашэнка напярэдадні Новага года падпісаў указ, на падставе якога памілаваны 22 чалавекі. Пра гэта паведамляе БЕЛТА.

З гэтай колькасці 20 чалавек былі асуджаны за злачынствы экстрэмісцкай накіраванасці. Сярод памілаваных 15 жанчын і 7 мужчын, у 11 чалавек ёсць непаўналетнія дзеці.

Усе яны звярнуліся на імя кіраўніка дзяржавы з хадайніцтвамі аб памілаванні, прызналі віну і раскаяліся ва ўчыненым.

Рашэнне аб памілаванні Прэзідэнт прыняў з гуманітарных меркаванняў і ў інтарэсах сем'яў, а таксама з улікам станоўчых характарыстык памілаваных асоб.