Лукашэнка павіншаваў калектыў СААТ "Камунарка" са 120-гадовым юбілеем з дня ўтварэння фабрыкі

Прэзідэнт Беларусі Аляксандр Лукашэнка накіраваў віншаванні работнікам і ветэранам СААТ "Камунарка" ў сувязі са 120-годдзем з дня утварэння легендарнай фабрыкі. Пра гэта паведаміла БЕЛТА са спасылкай на прэс-службу кіраўніка дзяржавы.

"З 1905 года пройдзены вялізны шлях ад маленькай кавярні да флагмана кандытарскай галіны незалежнай Беларусі, прадукцыю якога высока цэняць у нашай краіне і далёка за яе межамі", - гаворыцца ў віншаванні.

Выкарыстанне экалагічна чыстай натуральнай сыравіны, эфектыўнае ўкараненне сучасных тэхналогій, стварэнне незвычайных рэцэптаў і арыгінальных смакавых спалучэнняў дазваляюць фабрыцы пашыраць рынкі збыту і заваёўваць новых прыхільнікаў, канстатаваў кіраўнік дзяржавы.

"Нядзіўна, што менавіта салодкая прадукцыя "Камунаркі" ў ліку першых сярод прадпрыемстваў рэспублікі ўдастоена вышэйшай узнагароды - Дзяржаўнага знака якасці, які стаў сімвалам усенароднага прызнання вашай працы", - адзначыў Прэзідэнт.

Аляксандр Лукашэнка выказаў упэўненасць, што мэтанакіраваны і ініцыятыўны калектыў фабрыкі прыкладзе ўсе сілы для выканання задач, якія стаяць перад кандытарскай прамысловасцю.

Кіраўнік дзяржавы пажадаў работнікам і ветэранам прадпрыемства моцнага здароўя, шчасця і пакарэння новых прафесійных вяршынь.