Лукашэнка павіншаваў мусульман Беларусі са святам Ураза-байрам

Прэзідэнт Беларусі Аляксандр Лукашэнка павіншаваў вернікаў мусульманскай канфесіі са святам Ураза-байрам. Аб гэтым паведамляе БЕЛТА са спасылкай на прэс-службу беларускага лідара.

"Гэта адно з самых ушанаваных святаў, якое сімвалізуе духоўную чысціню, захаванне традыцый, пераемнасць і непарыўнасць пакаленняў - прыярытэты, якія служаць асновай міру і згоды, аднолькава блізкія і зразумелыя людзям розных канфесій", - гаворыцца ў віншаванні.

"Мусульмане Беларусі карыстаюцца павагай за прыхільнасць строгім маральным каштоўнасцям, падтрыманне атмасферы верацярпімасці і адкрытасці, умацаванне сямейных традыцый і беражлівае стаўленне да багатай духоўнай спадчыны продкаў", - падкрэсліў кіраўнік дзяржавы.

Аляксандр Лукашэнка пажадаў вернікам мусульманскай канфесіі моцнага здароўя, дабра, светлай радасці і дабрабыту.