Лукашэнка: Сёння Тайланд займае годнае месца ў сям'і краін Паўднёва-Усходняй Азіі

Прэзідэнт Беларусі Аляксандр Лукашэнка накіраваў віншаванні каралю Тайланда Маху Вачыралангкорна і грамадзянам гэтай краіны ў сувязі з Нацыянальным днём. Аб гэтым паведаміла БЕЛТА са спасылкай на прэс-службу кіраўніка дзяржавы.

"Шматвяковая гісторыя Тайланда адзначана подзвігамі і дасягненнямі на шляху будаўніцтва незалежнай квітнеючай дзяржавы, якая сёння мае высокі аўтарытэт, займае годнае месца ў сям'і краін Паўднёва-Усходняй Азіі і ўносіць важны ўклад у развіццё рэгіёна", - гаворыцца ў віншаванні.

Аляксандр Лукашэнка адзначыў, што традыцыйна дружалюбныя і ўстойлівыя кантакты паміж Мінскам і Бангкокам дазваляюць пашыраць сувязі ў палітычнай, эканамічнай, гуманітарнай і іншых сферах. "Зацікаўленасць у актывізацыі і павышэнні ўзроўню міждзяржаўнага ўзаемадзеяння пацверджана падчас афіцыйнага візіту міністра замежных спраў Беларусі ў ліпені 2025 года", - падкрэсліў ён.

Кіраўнік дзяржавы ўпэўнены, што рэалізацыя наяўнага патэнцыялу беларуска-тайландскага супрацоўніцтва поўнасцю адпавядае адказвае інтарэсам дзвюх краін і з'яўляецца надзейнай асновай для далейшага паглыблення двухбаковых адносін.

Прэзідэнт Беларусі пажадаў каралю Тайланда здароўя і даўгалецця, а народу гэтай краіны - міру і дабрабыту.