Прэзідэнт Беларусі выказаў спачуванні ў сувязі са смерцю народнага артыста СССР Алега Стрыжэнава

Прэзідэнт Беларусі Аляксандр Лукашэнка выказаў спачуванні родным і блізкім народнага артыста СССР Алега Стрыжэнава ў сувязі з яго смерцю, паведамілі ў прэс-службе беларускага лідара.

"Пайшоў з жыцця незвычайна таленавіты акцёр. Створаныя Алегам Аляксандравічам бліскучыя вобразы заваявалі любоў мільёнаў прыхільнікаў і сталі прыкладам высокага майстэрства, упісаўшы яркія старонкі ў гісторыю савецкага і расійскага кінематографа. Светлая памяць аб ім заўсёды будзе жыць у нашых сэрцах", - гаворыцца ў спачуванні.