Пры якой умове Беларусь адмовіцца ад размяшчэння "Арэшніка"

Прэзідэнт Беларусі Аляксандр Лукашэнка падчас прэс-канферэнцыі ў Мінску заявіў аб умове адмовы Беларусі ад размяшчэння "Арэшніка", піша БЕЛТА.

Кіраўнік дзяржавы адзначыў, што планы дыслакаваць "Арэшнік" у Беларусі - гэта ў адказ на жаданне і магчымасць размяшчэння амерыканскіх ракет сярэдняй далёкасці ў Еўропе.

"Таму калі яны адмовяцца ад гэтага, тады я старэйшаму брату скажу: "Давай пачакаем". Не важна, будзе ён у Смаленску або ў Оршы. Для нас не важна. А нам важна, каб амерыканскія ракеты сярэдняй далёкасці не трапілі на тэрыторыю Еўропы, таму што яны могуць быць абсталяваныя і ядзерным кампанентам, калі гаварыць адкрыта", - заявіў беларускі лідар.