Больш як 30 чалавек загінулі пры сутыкненні аўтобуса з грузавіком у Мексіцы

Жудаснае ДТЗ адбылося на поўдні Мексікі. У выніку сутыкнення аўтобуса з грузавіком загінулі больш як 30 чалавек.

Выжыць удалося 8 пасажырам. Яны ў цяжкім стане дастаўлены ў мясцовую бальніцу.

Вядома, што ДТЗ адбылося ўначы на хуткаснай трасе. Грузавік па невядомых прычынах выехаў на сустрэчную паласу і сутыкнуўся з пасажырскім аўтобусам, у выніку чаго загарэліся абодва транспартныя сродкі.